“最索经理人”林宝玉有勇有谋，年前成功捧起艺人薛影仪，由香港红到大马。不过，林宝玉提醒自己于新的一年要学精啲，原来去年被骗两次，继网购1折商务机票中招后，再帮朋友扑刘德华个唱门票，误堕网上炒票陷阱，遭连环被骗损失2万元，惜追究无门。
▲林宝玉想搵金主开戏。
“远离”薛影仪年半的林宝玉事业走得更远，除经营美容生意外，年初更成立娱乐公司，接洽经理人、电影、制作等工作。对于阿仪多次出言攻击“咬住”她唔放，去年两人活动中聚头，又当众大闹宝玉是“死八婆”！难得林宝玉唔嬲反笑。
跟阿仪3年缘份
林宝玉指阿仪的举动难以理解：“佢每次闹完我，都会礼貌地邀请我睇返，只能话，每个人表达爱意嘅方法都唔同，阿仪表达形式别树一格，而且我觉得喺佢心目中，我份量好高，所以成日会记挂住我。(咁你点回应佢？)我零回覆，亦冇兴趣睇，睇完都唔知有乜好讲。”林宝玉不得不承认和阿仪好有缘份：“记得我哋第一年合作时，睇相话我哋都有一粒名气声，碰埋成就咗阿仪‘黄金3年’。”
▲阿仪开口埋口都会主动提及前经理人林宝玉。
近日林宝玉成立娱乐公司，她不排除投放资金开戏，坦言如果经济许可，都想做返多些幕前，尤其摆脱做花瓶，想试下做癫婆。正因工作太忙，感情生活一片空白，追问索爆林宝玉可有被富商追求？她冇否定，笑说：“我唔知点界定係富商？喺我眼中只要有上进心，未来发展及赚钱空间好大。不过，现在最多听到追求者嗰句係‘你太忙、太强唔知点追你。’”林宝玉提醒自己新一年除要放慢脚步外更要醒目些：“我好少睇新闻，去年网购1折商务机票中招，被骗$15000。”之后她心急帮朋友扑刘德华个唱门票，再误堕网上炒票陷阱：“我仲以为买家係信得过嘅爱心妈妈，所以由最初买2张加码到8张，仲落咗$4000订金，点知约好交收后就失联…”她自嘲道：“唉！我咁好骗，唯一好彩冇畀人骗咗去KK园区。”
